ਚੋਰੀ ਦੇ ਦਸ ਮੋਟਰਸਾਇਕਲਾਂ ਸਣੇ ਦੋ ਕਾਬੂ, ਇਕ ਦੀ ਭਾਲ ਜਾਰੀ

ਬਰਨਾਲਾ, 13 ਮਈ (ਰਵਿੰਦਰ ਸ਼ਰਮਾ) : ਥਾਣਾ ਟੱਲੇਵਾਲ ਦੀ ਪੁਲਿਸ ਨੇ ਦੋ ਚੋਰਾਂ ਨੂੰ ਚੋਰੀ ਦੇ ਦਸ ਮੋਟਰਸਾਇਕਲਾਂ ਸਣੇ ਕਾਬੂ ਕੀਤਾ ਹੈ। ਜੋ ਵੱਖ-ਵੱਖ ਜਿਲ੍ਹਿਆਂ ’ਚੋਂ ਚੋਰੀ ਕੀਤੇ ਹੋਏ ਸਨ। ਐਸਐਚਓ ਜਗਜੀਤ ਸਿੰਘ ਨੇ ਦੱਸਿਆ ਕਿ ਪੁਲਿਸ ਨੇ ਗੁਪਤ ਸੂਚਨਾ ਦੇ ਅਧਾਰ ’ਤੇ ਬਾਰੂ ਸਿੰਘ ਵਾਸੀ ਮਹਿਲ ਕਲਾਂ ਨੂੰ ਕਾਬੂ ਕਰਕੇ ਇਕ ਮੋਟਰਸਾਇਕਲ ਬਰਾਮਦ ਕੀਤਾ ਗਿਆ। ਜਿਸ ਦਾ ਪੁਲਿਸ ਨੇ ਚਾਰ ਦਿਨ ਦਾ ਰਿਮਾਂਡ ਲੈਣ ਉਪਰੰਤ ਉਸ ਨੇ ਆਪਣੇ ਸਾਥੀ ਭਵਨਜੀਤ ਸਿੰਘ ਵਾਸੀ ਮਹਿਲ ਖੁਰਦ ਦੀ ਜਾਣਕਾਰੀ ਦਿੱਤੀ। ਜਿਸ ਨੂੰ ਗ੍ਰਿਫਤਾਰ ਕਰਕੇ ਰਿਮਾਂਡ ਲੈ ਉਸ ਕੋਲੋਂ ਚੋਰੀ ਕੀਤੇ 9 ਮੋਟਰਸਾਇਕਲ ਜੋ ਗਹਿਲ ਪਿੰਡ ਦੀ ਨਹਿਰੀ ਕੋਠੀ ਦੇ ਖੰਡਰ ਕਮਰਿਆਂ ’ਚ ਲੁਕੋ ਰੱਖੇ ਹੋਏ ਸਨ, ਬਰਾਮਦ ਕੀਤੇ। ਉਨ੍ਹਾਂ ਦੱਸਿਆ ਕਿ ਉਕਤ ਕਾਬੂ ਵਿਅਕਤੀਆਂ ਖਿਲਾਫ ਮਾਮਲਾ ਦਰਜ ਕੀਤਾ ਗਿਆ ਹੈ ਤੇ ਹੋਰ ਰਿਮਾਂਡ ਲੈ ਕੇ ਗਿਰੋਹ ’ਚ ਸ਼ਾਮਿਲ ਹੋਰ ਮੈਂਬਰਾਂ ਨੂੰ ਵੀ ਗ੍ਰਿਫਤ ’ਚ ਲਿਆ ਜਾਵੇਗਾ।