ਹੁਣ ਪੈਸਿਆਂ ਦੀ ਨਹੀਂ, ਕਰਿਆਣੇ ਦੀ ਦੁਕਾਨ ਤੋਂ ਹੋਈ ਬਦਾਮਾਂ ਦੀ ਠੱਗੀ

ਸ਼ੇਰਪੁਰ, 29 ਮਈ (ਰਵਿੰਦਰ ਸ਼ਰਮਾ) :  ਨੌਸਰਬਾਜ ਠੱਗਾਂ ਵੱਲੋਂ ਆਏ ਦਿਨ ਨਵੇ ਨਵੇ ਠੱਗੀ ਦੇ ਤਰੀਕੇ ਅਪਣਾਏ ਜਾਦੇ ਹਨ, ਅਜਿਹਾ ਹੀ ਇੱਕ ਮਾਮਲਾ ਕਸਬਾ ਸ਼ੇਰਪੁਰ ਵਿਖੇ ਸਾਹਮਣੇ ਆਇਆ ਹੈ , ਜਿੱਥੇ ਇੱਕ ਠੱਗ ਨੌਜਵਾਨ ਕਰਿਆਣੇ ਦੀ ਦੁਕਾਨ ਤੋਂ ਦਿਨ ਦਿਹਾੜੇ 5 ਕਿਲੋ ਬਦਾਮ ਲੈਕੇ ਫੁਰਰ ਹੋ ਗਿਆ । ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਦੁਕਾਨਦਾਰ ਅਸਵਨੀ ਕੁਮਾਰ ਕਾਲਾ ਨੇ ਦੱਸਿਆ ਕਿ ਇੱਕ ਨੌਜਵਾਨ ਨੇ 5 ਕਿਲੋ ਬਦਾਮ ਲੈ ਸਨ ਅਤੇ ਬਦਾਮ ਦੀ ਪੈਮੈਟ ਆਨਲਾਇਨ ਕਰਨ ਲੱਗਾ, ਪ੍ਰੰਤੂ ਪੈਮੈਟ ਕੀਤੇ ਬਗੈਰ ਬਦਾਮ ਲੈਕੇ ਫਰਾਰ ਹੋ ਗਿਆ।

ਉਨਾਂ ਦੱਸਿਆ ਕਿ ਠੱਗੀ ਮਾਰਨ ਵਾਲੇ ਵਿਅਕਤੀ ਦੀ ਤਸਵੀਰ ਗਲੀ ਵਿਚ ਲੱਗੇ ਸੀ.ਸੀ.ਟੀ.ਵੀ ਕੈਮਰਿਆਂ ਵਿਚ ਕੈਦ ਹੋ ਗਈ ਹੈ ਅਤੇ ਇਸ ਸਬੰਧੀ ਉਨਾਂ ਥਾਣਾ ਸ਼ੇਰਪੁਰ ਵਿਖੇ ਇਤਲਾਹ ਦਿੱਤੀ ਹੈ । ਉਨਾਂ ਮੰਗ ਕੀਤੀ ਕਿ ਠੱਗ ਵਿਅਕਤੀ ਨੂੰ ਜਲਦ ਤੋਂ ਜਲਦ ਗ੍ਰਿਫਤਾਰ ਕੀਤਾ ਜਾਵੇ ਤਾਂ ਜੋਂ ਕੋਈ ਹੋਰ ਦੁਕਾਨਦਾਰ ਠੱਗੀ ਦਾ ਸ਼ਿਕਾਰ ਨਾ ਹੋ ਸਕੇ।