ਬਰਨਾਲਾ, 5 ਜੁਲਾਈ (ਰਵਿੰਦਰ ਸ਼ਰਮਾ) : ਜੇ ਤੁਸੀਂ ਵੀ ਆਪਣੇ ਮੋਬਾਈਲ ‘ਤੇ ਆਉਣ ਵਾਲੇ ਹਰ ਮੈਸੇਜ ਨੂੰ ਧਿਆਨ ਨਾਲ ਪੜ੍ਹਦੇ ਹੋ ਜਾਂ ਕਈ ਵਾਰ ਉਨ੍ਹਾਂ ‘ਤੇ ਕਲਿਕ ਕਰ ਜਾਂਦੇ ਹੋ, ਤਾਂ ਹੁਣ ਤੁਹਾਨੂੰ ਚੋਕੰਨੇ ਹੋਣ ਦੀ ਲੋੜ ਹੈ। ਕਈ ਵਾਰ ਤੁਹਾਡੇ ਇਨਬਾਕਸ ‘ਚ ਅਜਿਹੇ ਮੈਸੇਜ ਆਉਂਦੇ ਹਨ ਜੋ ਲੋਨ ਜਾਂ ਬੈਂਕ ਦੇ ਆਫਰ ਦੇ ਨਾਂ ‘ਤੇ ਤੁਹਾਡੇ ਨਾਲ ਧੋਖਾਧੜੀ ਕਰ ਸਕਦੇ ਹਨ। ਇਹ ਮੈਸੇਜ ਤੁਹਾਡਾ ਬੈਂਕ ਖਾਤਾ ਵੀ ਖਾਲੀ ਕਰ ਸਕਦੇ ਹਨ।
ਬੈਂਕ ਲੋਨ ਜਾਂ ਆਫਰ ਵਾਲੇ ਮੈਸੇਜ
ਕਈ ਵਾਰ ਅਜਿਹੇ ਮੈਸੇਜ ਆਉਂਦੇ ਹਨ ਜਿਸ ਵਿੱਚ ਲਿਖਿਆ ਹੁੰਦਾ ਹੈ ਕਿ ਤੁਹਾਨੂੰ ਲੋਨ ਮਿਲ ਰਿਹਾ ਹੈ, ਉਹ ਵੀ ਬਿਨਾਂ ਕਿਸੇ ਦਸਤਾਵੇਜ਼ ਦੇ। ਇਹ ਮੈਸੇਜ ਆਮ ਤੌਰ ‘ਤੇ ਫ਼ਰੌਡ ਹੁੰਦੇ ਹਨ। ਜੇ ਤੁਸੀਂ ਇਨ੍ਹਾਂ ‘ਤੇ ਵਿਸ਼ਵਾਸ ਕਰਦੇ ਹੋ ਜਾਂ ਕਿਸੇ ਲਿੰਕ ‘ਤੇ ਕਲਿੱਕ ਕਰਦੇ ਹੋ, ਤਾਂ ਤੁਹਾਡੀ ਜਾਣਕਾਰੀ ਹੈੱਕਰਾਂ ਤੱਕ ਪਹੁੰਚ ਸਕਦੀ ਹੈ।
ਵੱਡੇ ਇਨਾਮ ਜਾਂ Cashback ਵਾਲੇ ਦਾਅਵੇ
“ਤੁਸੀਂ ₹5 ਲੱਖ ਦੀ ਲਾਟਰੀ ਜਿੱਤੀ ਹੈ!” ਇਹ ਸਭ ਠੱਗੀ ਵਾਲੇ ਟੇਕਸਟ ਮੈਸੇਜ ਹੁੰਦੇ ਹਨ। ਜਿਵੇਂ ਹੀ ਤੁਸੀਂ ਉਨ੍ਹਾਂ ਵਿੱਚ ਦਿੱਤੇ ਲਿੰਕ ‘ਤੇ ਜਾਂਦੇ ਹੋ, ਤੁਹਾਡਾ ਡਿਵਾਈਸ ਹੈੱਕ ਹੋ ਸਕਦਾ ਹੈ।
ਇੰਸਟੈਂਟ ਲੋਨ ਤੇ ਆਸਾਨ ਪ੍ਰਕਿਰਿਆ
ਜਦੋਂ ਤੁਹਾਨੂੰ ਕੋਈ ਮੈਸੇਜ ਮਿਲੇ ਜਿਸ ‘ਚ ਲਿਖਿਆ ਹੋਵੇ ਕਿ ਤੁਰੰਤ ਕੈਸ਼ ਲੋਨ ਮਿਲੇਗਾ, ਉਹ ਵੀ ਬਿਨਾਂ ਕਿਸੇ ਝੰਝਟ ਦੇ, ਤਾਂ ਇਹ ਵੀ ਸੰਭਾਵਤ ਠੱਗੀ ਹੋ ਸਕਦੀ ਹੈ। ਅਜਿਹੇ ਮੈਸੇਜ ਆਮ ਤੌਰ ‘ਤੇ ਗੈਰ-ਵੈਰੀਫਾਇਡ ਨੰਬਰਾਂ ਤੋਂ ਆਉਂਦੇ ਹਨ।
ਬੈਂਕ ਦੇ ਨਾਂ ‘ਤੇ ਆਉਣ ਵਾਲੇ ਫ਼ਰਜ਼ੀ ਮੈਸੇਜ
“ਤੁਹਾਡਾ ਖਾਤਾ ਸਸਪੈਂਡ ਕੀਤਾ ਜਾ ਰਿਹਾ ਹੈ, ਕਿਰਪਾ ਕਰਕੇ ਲਿੰਕ ‘ਤੇ ਜਾ ਕੇ ਜਾਣਕਾਰੀ ਭਰੋ।” ਬੈਂਕ ਕਦੇ ਵੀ Text Message ਰਾਹੀਂ ਤੁਹਾਡੀ Personal ਜਾਂ Bank Info ਨਹੀਂ ਮੰਗਦਾ। ਜੇ ਅਜਿਹਾ ਕੋਈ ਮੈਸੇਜ ਆਏ, ਤਾਂ ਉਸ ਨੂੰ ਤੁਰੰਤ ਡਿਲੀਟ ਕਰੋ ਅਤੇ ਆਪਣੇ ਬੈਂਕ ਨਾਲ ਸੰਪਰਕ ਕਰੋ।
OTP ਮੰਗਣ ਵਾਲੇ ਮੈਸੇਜ
ਜੇ ਤੁਹਾਨੂੰ ਕੋਈ ਵੀ ਮੈਸੇਜ ਆਉਂਦਾ ਹੈ ਜਿਸ ‘ਚ ਤੁਹਾਡੇ ਤੋਂ OTP ਮੰਗਿਆ ਜਾਂਦਾ ਹੈ, ਤਾਂ ਕਿਸੇ ਵੀ ਹਾਲਤ ਵਿੱਚ ਇਹ ਨਾ ਸਾਂਝਾ ਕਰੋ। OTP ਸਾਂਝਾ ਕਰਨਾ ਮਤਲਬ ਤੁਹਾਡੇ ਖਾਤੇ ਦੀ ਕੁੰਜੀ ਕਿਸੇ ਹੋਰ ਨੂੰ ਦੇਣ ਵਾਂਗ ਹੈ। ਇੱਕ ਛੋਟੀ ਜਿਹੀ ਗਲਤੀ ਤੁਹਾਨੂੰ ਲੱਖਾਂ ਦਾ ਨੁਕਸਾਨ ਪਹੁੰਚਾ ਸਕਦੀ ਹੈ। ਇਹ ਸਾਇਬਰ ਠੱਗੀ ਦਾ ਸਭ ਤੋਂ ਖਤਰਨਾਕ ਰੂਪ ਹੈ।
ਸਾਵਧਾਨੀ ਹੀ ਬਚਾਅ ਹੈ
ਅਣਜਾਣ ਨੰਬਰਾਂ ਤੋਂ ਆਏ ਮੈਸੇਜਾਂ ਨੂੰ ਇਗਨੋਰ ਕਰੋ।
ਕਿਸੇ ਵੀ ਮੈਸੇਜ ਵਿੱਚ ਦਿੱਤੇ ਲਿੰਕ ‘ਤੇ ਕਲਿਕ ਨਾ ਕਰੋ।
ਆਪਣੇ ਬੈਂਕ ਜਾਂ ਸਾਈਬਰ ਸੈੱਲ ਨੂੰ ਤੁਰੰਤ ਜਾਣਕਾਰੀ ਦਿਓ।
ਮੋਬਾਈਲ ਵਿੱਚ ਸਰਕਾਰੀ ‘Do Not Disturb (DND)’ ਸਰਵਿਸ ਐਕਟੀਵੇਟ ਕਰੋ।
