ਧਨੌਲਾ/ਬਰਨਾਲਾ, 27 ਅਗਸਤ (ਰਵਿੰਦਰ ਸ਼ਰਮਾ) : ਧਨੌਲਾ ਮੰਡੀ ’ਚ ਮੀਟ ਦੀ ਦੁਕਾਨ ਕਰਦੇ ਨੌਜਵਾਨ ਦੀ ਕਰੰਟ ਲੱਗਣ ਨਾਲ ਮੌਤ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਨੌਜਵਾਨ ਮੁਹੰਮਦ ਅਲੀ ਸ਼ਾਹ ਪਹਿਲਵਾਨ ਢਾਬੇ ਵਾਲੇ ਦੀ ਦੁਕਾਨ ’ਤੇ ਕਰੰਟ ਲੱਗਣ ਕਾਰਨ ਮੌਤ ਹੋ ਗਈ। ਮੀਟ ਵਿਕਰੇਤਾ 22 ਸਾਲਾਂ ਨੌਜਵਾਨ ਦੁਕਾਨ ’ਤੇ ਜਦੋਂ ਇਨਵਰਟਰ ਦਾ ਪਲੱਗ ਪਾਉਣ ਲੱਗਾ ਤਾਂ ਕਰੰਟ ਲੱਗਣ ਕਾਰਨ ਉਹ ਡਿੱਗ ਪਿਆ। ਉਸਨੂੰ ਧਨੌਲਾ ਦੇ ਸਰਕਾਰੀ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਮੁਸਲਿਮ ਵੈੱਲਫੇਅਰ ਸੁਸਾਇਟੀ ਦੇ ਮੋਹਤਬਰਾਂ ਨੇ ਦੱਸਿਆ ਕਿ ਮੁਹੰਮਦ ਅਲੀ ਸ਼ਾਹ ਦੀਆਂ ਅੰਤਿਮ ਰਸਮਾਂ ਮਾਲੇਰਕੋਟਲਾ ਵਿੱਚ ਹੀ ਕੀਤੀਆਂ ਜਾਣਗੀਆਂ।
Posted inਬਰਨਾਲਾ
