ਭੈਣ ਦੇ ਵਿਆਹ ’ਚ ਨੱਚ ਰਹੀ ਸੀ ਕੁੜੀ, ਨੱਚਦੇ ਨੱਚਦੇ ਹੋਈ ਮੌਤ

ਵਿਦਿਸ਼ਾ : ਵਿਦਿਸ਼ਾ ’ਚ ਇੱਕ ਵਿਆਹ ਸਮਾਰੋਹ ਦੌਰਾਨ ਸਟੇਜ ’ਤੇ ਨੱਚ ਰਹੀ ਨੌਜਵਾਨ ਲੜਕੀ ਪਰਿਣੀਤਾ ਜੈਨ ਦੀ ਅਚਾਨਕ ਮੌਤ ਹੋ ਗਈ। ਉਸਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ। ਮੌਤ ਦਿਲ ਦਾ ਦੌਰਾ ਪੈਣ ਕਾਰਨ ਹੋਣ ਦਾ ਸ਼ੱਕ ਹੈ। ਇਸ ਘਟਨਾ ਤੋਂ ਬਾਅਦ, ਵਿਆਹ ਸਮਾਰੋਹ ’ਚ ਸੋਗ ਛਾਇਆ ਰਿਹਾ ਤੇ ਰਸਮਾਂ ਜਲਦੀ ਪੂਰੀਆਂ ਕੀਤੀਆਂ ਗਈਆਂ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਗੁਣਾ ਤੋਂ ਵਿਦਿਸ਼ਾ ਆਪਣੇ ਮਾਮੇ ਦੀ ਧੀ ਦੇ ਵਿਆਹ ਸਮਾਗਮ ’ਚ ਗਈ ਇੰਦੌਰ ਦੀ ਰਹਿਣ ਵਾਲੀ 22 ਸਾਲਾਂ ਪਰਿਣੀਤਾ ਜੈਨ ਸਟੇਜ ’ਤੇ ਨੱਚ ਰਹੀ ਸੀ।  ਜੋ ਅਚਾਨਕ ਹੀ ਸਟੇਜ਼ ’ਤੇ ਡਿੱਗ ਪਈ ਤੇ ਉਸ ਦੀ ਮੌਤ ਹੋ ਗਈ।