154ਵਾਂ ਰੈਂਕ ਹਾਸਲ ਕਰ ਬਰਨਾਲਾ ਦਾ ਲੜਕਾ ਬਣਿਆ ਐਨਡੀਏ ’ਚ ਲੈਂਫਟੀਨੈਂਟ

ਬਰਨਾਲਾ, 11 ਜੂਨ (ਰਵਿੰਦਰ ਸ਼ਰਮਾ) : ਇਕ ਸਾਧਾਰਨ ਪਰਿਵਾਰ ਦਾ ਲੜਕਾ ਨੈਸ਼ਨਲ ਡਿਫੈਂਸ ਅਕੈਡਮੀ (ਐਨਡੀਏ) ’ਚ ਲੈਂਫਟੀਨੈਂਟ ਚੁਣਿਆ ਗਿਆ ਹੈ। ਬਰਨਾਲਾ ਦੇ ਏਕਨੂਰ ਗਿੱਲ ਐਨਡੀਏ `ਚੋਂ 154ਵਾਂ ਰੈਂਕ ਹਾਸਲ ਕਰਕੇ ਇਹ ਪ੍ਰਾਪਤੀ ਹਾਸਲ ਕੀਤੀ ਹੈ। ਏਕਨੂਰ ਮਾਪਿਆਂ ਦਾ ਇਕਲੌਤਾ ਪੁੱਤ ਹੈ। ਜਿਸਨੇ ਬਾਰਵੀਂ ਨਾਨ-ਮੈਡੀਕਲ ਨਾਲ ਪੜ੍ਹਾਈ ਕੀਤੀ ਤੇ ਡਿਫੈਂਸ ਦੀ ਟਰੇਨਿੰਗ ਹਾਸਲ ਕਰਕੇ ਪਹਿਲੀ ਕੋਸ਼ਿਸ਼ ’ਚ ਹੀ ਯੂਪੀਐਸਸੀ ਪਾਸ ਕਰਕੇ ਐਨਡੀਏ `ਚ ਲੈਫਟੀਨੈਂਟ ਚੁਣਿਆ ਗਿਆ। ਏਕਨੂਰ ਗਿੱਲ ਇਕ ਸਧਾਰਨ ਪਰਿਵਾਰ `ਚੋਂ ਹੈ, ਜੋ ਕਿ ਬਰਨਾਲਾ ਦੇ ਖੁੱਡੀ ਰੋਡ ਦਾ ਰਹਿਣ ਵਾਲਾ ਹੈ। ਉਸਦੇ ਮਾਤਾ ਰਮਨਪ੍ਰੀਤ ਕੌਰ ਦਫਤਰ ਡਿਪਟੀ ਕਮਿਸ਼ਨਰ ਬਰਨਾਲਾ ਵਿਖੇ ਆਊਟਸੋਰਸਿੰਗ ਕਲਰਕ ਵਜੋਂ ਸੇਵਾਵਾਂ ਨਿਭਾ ਰਹੇ ਹਨ ਤੇ ਪਿਤਾ ਰੂਪ ਸਿੰਘ ਟਰਾਈਡੈਂਟ ’ਚ ਨੌਕਰੀ ਕਰਦੇ ਹਨ। ਏਕਨੂਰ ਦਾ ਬਚਪਨ ਤੋਂ ਸੁਪਨਾ ਸੀ ਕਿ ਉਹ ਫੌਜ ’ਚ ਅਫਸਰ ਬਣ ਕੇ ਦੇਸ਼ ਦੀ ਸੇਵਾ ਕਰੇ।

– ਕੀ ਹੈ ਨੈਸ਼ਨਲ ਡਿਫੈਂਸ ਅਕੈਡਮੀ
ਜਿਸਤੋਂ ਬਾਅਦ ਇੰਡੀਅਨ ਆਰਮੀ ’ਚ ਲੈਫਟੀਨੈਂਟ ਕਮਿਸ਼ਨਰ ਬਣ ਜਾਂਦਾ ਹੈ। ਉਨ੍ਹਾਂ ਦੀ ਜੂਨ ਦੇ ਅਖੀਰ ’ਚ ਜੁਆਇਨਿੰਗ ਹੈ। ਅਫਸਰ ਬਣਨ ਤੋਂ ਬਾਅਦ ਜਿਸ ਵੀ ਪਲਟਨ ਜਾਂ ਜਿਸ ਵੀ ਗਰੁੱਪ ਨੂੰ ਲੀਡ ਕਰਨਾ ਹੈ, ਉਸ ਨੂੰ ਆਪਣਾ ਫੁੱਲ ਸਹਿਯੋਗ ਦੇਣਾ ਤੇ ਆਪਣੇ ਦੇਸ਼ ਦੀ ਸੇਵਾ ਕਰਨਾ ਆਰਮੀ ਅਫਸਰ ਦਾ ਕੰਮ ਹੈ। ਇਸ ਪ੍ਰਾਪਤੀ ਲਈ ਉਨਾਂ ਨੂੰ ਆਪਣੇ ਮਾਤਾ-ਪਿਤਾ ਤੇ ਅਧਿਆਪਕਾਂ ਦਾ ਬਹੁਤ ਸਹਿਯੋਗ ਮਿਲਿਆ ਹੈ। ਆਪਣੇ ਅਧਿਆਪਕਾਂ ਦੀ ਮਿਹਨਤ ਸਦਕਾ ਤੇ ਆਪਣੀ ਬਹੁਤ ਜਿਆਦਾ ਮਿਹਨਤ ਕਰਕੇ ਇਸ ਮੁਕਾਮ ਨੂੰ ਹਾਸਲ ਕੀਤਾ ਹੈ। ਇਕ ਆਮ ਘਰ ਤੋਂ ਉਠ ਕੇ ਵੀ ਉਹ ਇਸ ਮੁਕਾਮ `ਤੇ ਪਹੁੰਚ ਸਕਦੇ ਹਨ, ਕਿਉਂਕਿ ਜਿਆਦਾਤਰ ਦੇਖਦੇ ਹਾਂ ਕਿ ਆਰਮੀ ’ਚ ਆਮ ਘਰਾਂ ਦੇ ਬੱਚੇ ਹੀ ਜਾਂਦੇ ਹਨ। ਇਸ ਕਰਕੇ ਸਾਨੂੰ ਆਪਣੇ ਗੋਲ ਨੂੰ ਸੈਟ ਕਰਨਾ ਚਾਹੀਦਾ ਹੈ ਤੇ ਵੱਧ ਤੋਂ ਵੱਧ ਮਿਹਨਤ ਕਰਕੇ ਉਸ ਮੁਕਾਮ ਨੂੰ ਹਾਸਿਲ ਕਰਨਾ ਚਾਹੀਦਾ ਹੈ। ਜ਼ਿੰਦਗੀ ’ਚ ਕਾਮਯਾਬ ਹੋਣ ਲਈ ਆਪਣਾ ਇਕ ਗੋਲ ਬਣਾਉਣਾ ਚਾਹੀਦਾ ਹੈ ਕਿ ਤੁਸੀਂ ਅੱਗੇ ਭਵਿੱਖ ’ਚ ਕੀ ਬਣਨਾ ਹੈ ਤੇ ਉਸ ਲਈ ਬਹੁਤ ਮਿਹਨਤ ਤੇ ਆਪਣੇ ਅਧਿਆਪਕਾਂ, ਆਪਣੇ ਮਾਤਾ-ਪਿਤਾ ਨਾਲ ਉਸ ਬਾਰੇ ਸਲਾਹ ਕਰਨੀ ਚਾਹੀਦੀ ਹੈ ਤਾਂ ਜੋ ਆਸਾਨੀ ਨਾਲ ਉਸ ਮੁਕਾਮ ਤਕ ਪਹੁੰਚਿਆ ਜਾ ਸਕੇ।
– ਸਾਨੂੰ ਆਪਣੇ ਬੱਚੇ ’ਤੇ ਬਹੁਤ ਮਾਣ
ਏਕਨੂਰ ਦੀ ਮਾਤਾ ਰਮਨਪ੍ਰੀਤ ਕੌਰ ਨੇ ਦੱਸਿਆ ਕਿ ਉਨਾਂ ਦੇ ਬੱਚੇ ਵੱਲੋਂ ਐਨਡੀਏ ਦੀ ਪ੍ਰੀਖਿਆ ਇੰਨੀ ਛੋਟੀ ਉਮਰ ’ਚ ਪਾਸ ਕਰਕੇ ਇਕ ਵਧੀਆ ਮੁਕਾਮ ਹਾਸਿਲ ਕੀਤਾ ਹੈ। ਉਨਾਂ ਕਿਹਾ ਕਿ ਸਾਡੇ ਪਰਿਵਾਰ ’ਚ ਬਹੁਤ ਜਿਆਦਾ ਖੁਸ਼ੀ ਦਾ ਮਾਹੌਲ ਹੈ ਤੇ ਸਾਨੂੰ ਆਪਣੇ ਬੱਚੇ ਉਪਰ ਬਹੁਤ ਮਾਣ ਮਹਿਸੂਸ ਹੋ ਰਿਹਾ ਹੈ। ਉਨਾਂ ਕਿਹਾ ਕਿ ਪੁੱਤਰ ਪੜਨ ’ਚ ਬਹੁਤ ਹੁਸ਼ਿਆਰ ਸੀ। ਉਸਨੇ ਆਪਣੀ ਖਦਿ ਪੜਾਈ ਕਰਕੇ ਹੀ ਇਸ ਮੁਕਾਮ ਨੂੰ ਹਾਸਿਲ ਕੀਤਾ ਹੈ। ਉਨਾਂ ਕਿਹਾ ਕਿ ਏਕਨੂਰ 17 ਸਾਲ ਦੀ ਉਮਰ ’ਚ ਘਰ ਤੋਂ ਦੂਰ ਹੋਸਟਲ ’ਚ ਪੜ੍ਹਨ ਲਈ ਚਲਾ ਗਿਆ ਸੀ।
ਮਾਤਾ ਰਮਨਪ੍ਰੀਤ ਕੌਰ ਨੇ ਕਿਹਾ ਕਿ ਆਪਣੇ ਬੱਚੇ ਦੀ ਪ੍ਰਾਪਤੀ ਉਪਰ ਉਨਾਂ ਨੂੰ ਬਹੁਤ ਖੁਸ਼ੀ ਤੇ ਮਾਣ ਮਹਿਸੂਸ ਹੁੰਦਾ ਹੈ ਕਿ ਉਨਾਂ ਦਾ ਬੱਚਾ ਇੰਡੀਅਨ ਆਰਮੀ ’ਚ ਅਫਸਰ ਲੱਗ ਚੁੱਕਾ ਹੈ। ਉਨ੍ਹਾਂ ਬਾਕੀ ਬੱਚਿਆਂ ਨੂੰ ਸੰਦੇਸ਼ ਦਿੱਤਾ ਕਿ ਉਹ ਆਪਣੇ ਮਾਤਾ-ਪਿਤਾ ਦੇ ਆਗਿਆਕਾਰੀ ਬੱਚੇ ਬਣਨ ਤੇ ਮਿਹਨਤ ਕਰਕੇ ਆਪਣੇ ਮਾਤਾ-ਪਿਤਾ ਦਾ ਨਾਮ ਰੌਸ਼ਨ ਕਰਨ ਤਾਂ ਜੋ ਮਾਪਿਆ ਨੂੰ ਆਪਣੇ ਬੱਚਿਆਂ ਉਪਰ ਮਾਣ ਮਹਿਸੂਸ ਹੋ ਸਕਦਾ ਹੈ। ਬੱਚਿਆਂ ਨੂੰ ਵਿਦੇਸ਼ਾਂ ਵੱਲ ਜਾਣਾ ਛੱਡ ਦੇਣਾ ਚਾਹੀਦਾ ਹੈ ਬਲਕਿ ਆਪਣੇ ਹੀ ਦੇਸ਼ ’ਚ ਮਿਹਨਤ ਕਰਕੇ ਇਕ ਚੰਗਾ ਮੁਕਾਮ ਹਾਸਿਲ ਕਰ ਸਕਦੇ ਹਨ। ਅਜ ਦੇ ਸਮੇਂ ’ਚ ਨਸ਼ਾ ਬਹੁਤ ਜਿਆਦਾ ਵੱਧ ਰਿਹਾ ਹੈ। ਬੱਚੇ ਨਸ਼ੇ ਤੋਂ ਦੂਰ ਰਹਿਣ ਤੇ ਆਪਣੀ ਮਿਹਨਤ ਤੇ ਇਮਾਨਦਾਰੀ ਨਾਲ ਇਕ ਚੰਗਾ ਮੁਕਾਮ ਹਾਸਿਲ ਕਰ ਸਕਦੇ ਹਨ। 
ਵਿਦਿਆਰਥੀ ਏਕਨੂਰ ਗਿੱਲ ਨੇ ਕਿਹਾ ਕਿ ਐਨਡੀਏ (ਨੈਸ਼ਨਲ ਡਿਫੈਂਸ ਅਕੈਡਮੀ) ਦਾ ਪੇਪਰ ਦਿੱਤਾ। ਇਹ ਪੇਪਰ ਸਾਲ ’ਚ ਦੋ ਵਾਰ ਹੁੰਦਾ ਹੈ, ਇਕ ਵਾਰ ਅਪ੍ਰੈਲ ’ਚ ਤੇ ਦੂਜੀ ਵਾਰ ਸਤੰਬਰ ’ਚ ਹੁੰਦਾ ਹੈ। ਉਸਨੇ ਪੇਪਰ ਦਿੱਤਾ ਤਾਂ ਉਸਦਾ ਆਲ ਇੰਡੀਆ ਰੈਂਕ 154 ਆ ਗਿਆ ਹੈ। ਇਸ ਪੇਪਰ ਦੀ ਨੋਟੀਫਿਕੇਸ਼ਨ ਸਾਲ ’ਚ ਦੋ ਵਾਰੀ ਹੁੰਦੀ ਹੈ, ਇਕ ਵਾਰ ਦਸੰਬਰ ਤੇ ਇਕ ਵਾਰ ਮਈ ’ਚ ਇਸ ਪੋਸਟ ਲਈ ਅਪਲਾਈ ਕੀਤਾ ਜਾ ਸਕਦਾ ਹੈ। ਇਸ ’ਚ ਚਾਰ ਸਾਲਾਂ ਦੀ ਰੇਗਸਟਰੇਡਿੰਗ ਟ੍ਰੇਨਿੰਗ ਲੱਗਦੀ ਹੈ, ਜਿਸ ਦੇ ’ਚ ਤਿੰਨ ਸਾਲ ਨੈਸ਼ਨਲ ਅਕੈਡਮੀ ਤੇ ਇਕ ਸਾਲ ਦੀ ਇੰਡੀਅਨ ਮਿਲਟਰੀ ਅਕੈਡਮੀ ਦੇਹਰਾਦੂਨ ਜਲੰਧਰ ’ਚ ਟ੍ਰੇਨਿੰਗ ਕੀਤੀ ਜਾਂਦੀ ਹੈ।