ਸੈਲਫ ਹੈਲਪ ਗਰੁੱਪਾਂ ਲਈ ਲੋਨ ਮੇਲਾ ; ਘੱਟ ਦਰਾਂ ’ਤੇ 56 ਲੱਖ ਦਾ ਦਿੱਤਾ ਕਰਜ਼ਾ: ਡਿਪਟੀ ਕਮਿਸ਼ਨਰ

– ਕਿਹਾ : ਗਰੁੱਪਾਂ ਨੂੰ ਹੁਲਾਰਾ ਦੇਣ ਲਈ ਸਰਕਾਰੀ ਸਕੀਮਾਂ ਦਾ ਦਿੱਤਾ ਜਾ ਰਿਹੈ ਲਾਭ

ਬਰਨਾਲਾ, 25 ਮਾਰਚ (ਰਵਿੰਦਰ ਸ਼ਰਮਾ) : ਪੰਜਾਬ ਰਾਜ ਦਿਹਾਤੀ ਅਜੀਵਿਕਾ ਮਿਸ਼ਨ ਤਹਿਤ ਸੰਸਦ ਮੈਂਬਰ ਸ. ਗੁਰਮੀਤ ਸਿੰਘ ਮੀਤ ਹੇਅਰ ਦੀ ਰਹਿਨੁਮਾਈ ਅਤੇ ਡਿਪਟੀ ਕਮਿਸ਼ਨਰ ਬਰਨਾਲਾ ਸ੍ਰੀ ਟੀ ਬੈਨਿਥ ਦੀ ਅਗਵਾਈ ਵਿੱਚ ਸੈਲਫ ਹੈਲਪ ਗਰੁੱਪਾਂ ਲਈ ਲੋਨ ਮੇਲਾ ਲਗਾਇਆ ਗਿਆ ਜਿਸ ਵਿਚ 37 ਸੈਲਫ ਹੈਲਪ ਗਰੁੱਪਾਂ ਨੂੰ 56 ਲੱਖ 25 ਹਜ਼ਾਰ ਦੀ ਕਰਜ਼ਾ ਸਸਤੀਆਂ ਵਿਆਜ ਦਰਾਂ ‘ਤੇ ਦਿੱਤਾ ਗਿਆ।
     ਇਸ ਮੌਕੇ ਡਿਪਟੀ ਕਮਿਸ਼ਨਰ ਨੇ ਦੱਸਿਆ ਕਿ 37 ਸੈਲਫ ਹੈਲਪ ਗਰੁੱਪ ਨੂੰ 56 ਲੱਖ 25 ਹਜ਼ਾਰ ਰੁਪਏ ਵੱਖ ਵੱਖ ਕੰਮਾਂ ਜਿਵੇਂ ਕਿ ਸਿਲਾਈ ਦਾ ਕੰਮ, ਡੇਅਰੀ ਦਾ ਕੰਮ, ਬਿਊਟੀ ਪਾਰਲਰ, ਕੱਪੜਾ ਵੇਚਣ ਦਾ ਕੰਮ ਅਤੇ ਆਚਾਰ ਆਦਿ ਦੇ ਕਾਰੋਬਾਰ ਸ਼ੁਰੂ ਕਰਨ ਲਈ (ਕੈਸ਼ ਕਰੈਡਿਟ ਲਿਮਟ) ਵਜੋਂ ਦਿੱਤੇ ਗਏ।

  ਉਹਨਾਂ ਦੱਸਿਆ ਕਿ ਇਹ ਲੋਨ ਵੱਖ-ਵੱਖ ਬੈਂਕਾਂ ਜਿਵੇਂ ਕਿ ਸਟੇਟ ਬੈਂਕ ਆਫ ਇੰਡੀਆ, ਪੰਜਾਬ ਨੈਸ਼ਨਲ ਬੈਂਕ, ਪੰਜਾਬ ਗ੍ਰਾਮੀਣ ਬੈਂਕ, ਪੰਜਾਬ ਸਿੰਧ ਬੈਂਕ ਅਤੇ ਸੰਗਰੂਰ ਸੈਂਟਰਲ ਕੋਆਪਰੇਟਿਵ ਬੈਂਕ ਵੱਲੋਂ ਠੀਕਰੀਵਾਲ, ਕਾਲੇਕੇ, ਰਾਏਸਰ, ਸ਼ਹਿਣਾ, ਮੌੜ ਨਾਭਾ, ਭੋਤਨਾ, ਕੱਟੂ, ਦਰਾਕਾ ਆਦਿ ਪਿੰਡਾਂ ਦੇ ਸੈਲਫ ਗਰੁੱਪਾਂ ਨਵੀਂ ਸੋਚ ਗਰੁੱਪ ਮੌੜ ਨਾਭਾ, ਜੈ ਹਿੰਦ ਗਰੁੱਪ ਮੌੜ ਨਾਭਾ, ਖ਼ੁਸ਼ੀ ਗਰੁੱਪ ਮੌੜ ਨਾਭਾ, ਲਕਸ਼ਮੀ ਗਰੁੱਪ ਮੌੜ ਨਾਭਾ, ਏਕਤਾ ਗਰੁੱਪ ਮੌੜ ਨਾਭਾ, ਸੁਖਮਨੀ ਗਰੁੱਪ ਭੋਤਨਾ, ਗਗਨ ਗਰੁੱਪ ਦਰਾਕਾ, ਆਸ ਆਜੀਵਿਕਾ ਗਰੁੱਪ ਦਰਾਕਾ, ਗੁਰੂ ਆਜੀਵਿਕਾ ਗਰੁੱਪ ਕੱਟੂ, ਗੋਬਿੰਦ ਆਜੀਵਿਕਾ ਗਰੁੱਪ ਕੱਟੂ, ਪੰਜਾਬ ਆਜੀਵਿਕਾ ਗਰੁੱਪ ਸ਼ਹਿਣਾ, ਬਾਬਾ ਫਰੀਦ ਗਰੁੱਪ ਸ਼ਹਿਣਾ, ਬਾਬਾ ਦੀਪ ਸਿੰਘ ਗਰੁੱਪ ਕਾਲੇਕੇ, ਚੜਦੀ ਕਲਾ ਗਰੁੱਪ ਕਾਲੇਕੇ, ਗੁਰੂ ਤੇਗ ਬਹਾਦਰ ਗਰੁੱਪ ਕਾਲੇਕੇ, ਗੁਰੂ ਰਵਿਦਾਸ ਗਰੁੱਪ ਭੋਤਨਾ ਆਦਿ ਨੂੰ ਦਿੱਤੇ ਗਏ।
ਇਸ ਮੌਕੇ ਡਿਪਟੀ ਕਮਿਸ਼ਨਰ ਨੇ ਬ੍ਰਾਂਚ ਮੈਨੇਜਰ ਪੀ.ਐਨ.ਬੀ ਠੀਕਰੀਵਾਲ ਅਮਨਦੀਪ ਸਿੰਘ ਨੂੰ ਸੈਲਫ ਹੈਲਪ ਗਰੁਪਾਂ ਨੂੰ ਇਸ ਵਿੱਤੀ ਸਾਲ ਵਿੱਚ 48 ਲੱਖ ਦੀਆਂ ਕੈਸ਼ ਕਰੈਡਿਟ ਲਿਮਟਾਂ ਦੇਣ ਦੇ ਬਦਲੇ ਪ੍ਰਸ਼ੰਸ਼ਾ ਪੱਤਰ ਵੀ ਦਿੱਤਾ।
ਇਸ ਮੌਕੇ ਏ.ਡੀ.ਸੀ (ਡੀ) ਸ੍ਰੀ ਸਤਵੰਤ ਸਿੰਘ, ਐੱਲ. ਡੀ. ਐੱਮ. ਸ੍ਰੀ ਗੁਰਪਰਮਿੰਦਰ ਸਿੰਘ, ਡੀ.ਪੀ.ਐੱਮ. ਰਮਨੀਕ ਸ਼ਰਮਾ ਅਤੇ ਡੀ.ਐੱਫ.ਐੱਮ. ਅਮਨਦੀਪ ਸਿੰਘ ਮੌਜੂਦ ਸਨ।